RECOMENDACIÓNS PARA O VERÁN

Queridos alumnos e alumnas: 

Estamos ante a última semana deste atípico curso, e para rematar o profesorado do terceiro ciclo quere compartir con vós unha carta, para recordar as experiencias vividas neste ano académico e agradecer o voso esforzo durante estes meses. Sentímonos orgullosos do moito que tedes madurado e de que fósedes quen de superar todas as adversidades.

Esto non pode ser unha despedida, senón un ata pronto, porque no mes de setembro volveremos a vernos e remataremos a fantástica aventura que iniciamos en quinto facendo unha emocionante viaxe a Porto, que seguro será unha viaxe inesquecible.

Gozade do verán (é obrigatorio).

Vémonos pronto :-)

Click here to read the letter

A VOSA OPINIÓN É IMPORTANTE

Para reflexionar sobre a traballo realizado durante esta corentena, precisamos da vosa opinión. Pica na imaxe, escribe o teu nome e curso, contesta ás 10 primeiras preguntas da enquisa, despois, pide á túa nai e/ou ao teu pai que cubra as seguintes tres preguntas. Ao final dálle a enviar.

Pica na imaxe para acceder á enquisa

A CONQUISTA DO SABer

Despedimos este reto no que cada un de vós loitou por acadar a Conquista da Sabedoría.

Dende, Neville Longbotton, ata Harry Potter, pelexastes por acadar o máximo nivel de coñecemento.

Todos os que vos esforzastes, sodes gañadores, os que superastes o último nivel, hai xa varias semanas, e aqueles que quedastes moi cerca de acadalo.

PARABÉNS!

𒐮RECOMENDACIÓNS PARA O VERÁN𒐮

📘Le todo o que poidas!
 

Porque a lectura fainos viaxar polo mundo, coñecer a novos personaxes que se converterán en inseparables amigos e vivir milleiros de aventuras! Calquera momento é bo, despois de xantar, na praia, na piscina...

A continuación atoparás varias propostas.

Recomendacións da Biblioteca

Outras recomendacións

Libros gratuítos en liña

Xornal o Papagaio

📖Non esquezas apuntar todas as aventuras do verán! 

Durante estes meses viviredes aventuras e momentos que, seguramente non queredes esquecer. A mellor forma de que isto non suceda é recollendo todo nun DIARIO.

Crea un diario de verán, ou continúa o teu, fai que se converta nun amigo inseparable e cóntalle todo aquilo que non queiras esquecer. Recorda que o diario é un tesouro que agacha as túas peripecias, sentimentos, emocións...

Escribe bonito, coida a túa letra e a túa ortografía.

Aprende a debuxar as palabras ou perfecciona a túa técnica de lettering, coa axuda da canle de youtube de la Srta. RocknRoll.

Podes practicar a túa ortografía picando aquí.

📷Nos seguintes vídeos, podes ver unhas propostas diferentes para darlle ao teu diario de verán un toque especial con Scrapbook.

Decora o teu diario

Como facer a estrutura

💣SIGUE RESOLVENDO MISIÓNS! 

Durante estas semanas a túa valentía permitiuche saír vitorioso de todas as probas e misións que se ían producindo.  Serás capaz  de saír de Azkaban? Pica na imaxe e enfráscate na aventura.

Atréveste a ser todo un Hacker e resolver probas, só aptas para especialistas matemáticos? Pincha na imaxe e accede a esta aventura cibernética!

ESCAPE ROOM NIVEL PRO

Deixámosvos aquí, todos os breakouts que levamos feito ata agora, para que poidas repasar os contidos cando ti queiras!

📐Dálle á cachola e convértete nun EXPERTO MATEMÁTICO!

Visualiza e practica todos os Quizziz feitos ata agora, segue xogando coa Pandilla Rejilla e logra resolver operacións de cálculo cada vez máis complexas!

Para non esquecer as táboas de multiplicar practica a diario con esta aplicación:

Practica os conceptos aprendidos accedendo aos enlaces que atoparás a continuación.

💥Fai MAXIA! 

Sabemos todo o que vos gusta a maxia. Por iso, a continuación deixámosvos uns vídeos para aprender algúns trucos.

E se queres seguir mergullándote no mundo da maxia recomendámoste que visites a sección "Los trucos de Jorge Blass", para converterte nun auténtico mago.

Atreve a aprender e a deixar a todos asombrados! 

💫🔭COÑECE O UNIVERSO!

Aproveita as noites de verán para mirar ao ceo. Se queres coñecer o nome das estrelas recomendámosvos SKy Map. Con esta aplicación, so tes que dirixir a pantalla do teléfono cara ao ceo e verás aparecer as constelacións, planetas, estrelas e resto de elementos, co seu nome.

Podes coñecer outras aplicacións que te axudarán a coñecer o universo picando aquí.

📺Monta o teu propio CINE EN CASA! 

Elixe unha película que che apeteza ver, invita a túa familia a que a vexa contigo (podes incluso prepararlle unhas entradas, como se fose un cine de verdade), fai flocos de millo e goza dun momento especial. 

En youtube encontrarás máis de 100 películas completas gratuítas.

Tamén, podes coñecer algún xénero novo como a animación xaponesa.

Neste curso falamos de Hayao Miyazaki, lendario cineasta, por ser o ilustrador favorito de Ledicia Costas. Anímaste a coñecer máis sobre a súa vida e obra? Podes facelo vendo os marabillosos documentais que vos deixamos a continuación.

Hayao Miyazaki é un dos fundadores dos Estudios Ghibli, unha das factorías máis prestixiosas que existen no mundo.

Estudios Ghibli: la belleza hecha cine

Podes coñecer cales son consideradas as dez mellores películas do Studio Ghibli picando aquí.

As 5 mellores películas dos Estudios Ghibli Draw my life

Deixamos agora dúas últimas recomendacións deste xénero cinematográfico, que non vos podedes perder.

“Your Name” (Kimi No Na Wa), é unha das películas de anime máis exitosas de todos os tempos. É un film extraordinario que non podes deixar de ver.

A última recomendación é "A Silent Voice" (Unha voz silenciosa), un anime dramático sobre o acoso e o aillamento, que te encantará.

 

YOUR NAME

A SILENT VOICE

👉Aprende linguaxe de signos!

A Silent voice, a película de animación que te acabamos de recomendar, ten como protagonista a Shouka Nishimaya, unha estudante xorda que utiliza a linguaxe de signos.

Gustaríate saber expresarte utilizando as túas mans? Pois non dubides en picar na imaxe e aprende a falar dunha forma diferente.

🍃🌿Goza da natureza! 
  

Sal a dar un paseo en bici, unha camiñada polo monte,... Respira o aire puro e déixate envolver pola natureza e todos os elementos que a compoñen.

Recomendámosche a aplicación Plantyx coa que poderás collecer mellor o mundo vexetal. Só tes que enfocar a cámara do teléfono nunha flor, árbore ou arbusto e sacar unha foto. A aplicación axudarache a identificala proporcionándoche información detallada sobre ela.

😋Convértete nun auténtico MasterCheff!

 
Aproveita estes meses de verán para aprender un pouco sobre cociña, elabora cos teus avós, pais, irmáns unha receita e déixaos sorprendidos cun prato que sexa a delicia de todos. A continuación deixámoste dúas canles de YouTube que che permitirá converterte en todo un experto dos fogóns.

✎Saca o artista que levas dentro!

FAI ORIGAMI

Non esquezas todas as figuras que apremos a facer, as inesquecibles 1000 grúas de papel, as figuras xeométricas realizadas na semana matemática e tantas outras creacións. Se queres seguir afondando no mundo da papiroflexia, podes visitar a canle de youtube de Jo Nakashima.

DEBUXA

Goza pintando, polo simple feito de facelo, debuxa o que tes ao teu arredor, un cadro abstracto e todo aquilo que che apeteza. 

CREA MANDALAS

Entretente facendo os teus propios mandalas e presume de creacións! Pica na imaxe e accede á canle de Youtube de Camilla Løschbrandt e descobre como.

CREA PULSEIRAS PERSONALIZADAS

Lembras o taller que levamos a cabo na biblioteca escolar para aprender a facer pulseiras? Pois para non esquecelo e poder agasallar aos nosos amigos e familiares con fermosas xoias feitas por nós, podes visitar esta canle.