TAREFA PARA A SEMANA DO 14 AO 17 DE ABRIL

PLANIFICACIÓN SEMANAL

(Do 14 ao 17 de abril)

Queridos alumnos e alumnas:

Aquí chega a primeira planificación semanal do terceiro trimestre. Nesta ocasión só están programados catro días, posto que o luns non é lectivo.

É importante que sigades facendo as tarefas diarias programadas e cumprindo os prazos marcados.

Xa sabedes que podedes consultar as vosas dúbidas a través dos comentarios ou enviando un correo electrónico.

Ánimo! Estamos xuntos nisto! 

RECOMENDACIÓNS sobre a entrega das tarefas:

-Intentade enviar un único correo diario con todas as tarefas programadas para ese día. No ASUNTO indica o teu nome e a data, por exemplo, Tarefa de Luís 14/04. Nese correo podedes enviar varios arquivos adxuntos.

-Envío de fotografías: antes de enviar unha foto asegúrate de que está enfocada e que imos poder ver o seu contido sen dificultade.

-Documentos de texto: o formato preferente será PDF. Podedes ver un titorial de como converter un documento Libre office writter ou word en PDF pinchando aquí.

--------- ⛬ MATEMÁTICAS ⛬ ---------

Nesta semana comenzaremos o tema de xeometría e concretamente traballaremos cos triángulos. Fíxate na planificación e realiza a tarefa marcada para cada día.

Na grella que tedes a continuación atoparedes os vídeos e debaixo deles o enlace para acceder aos Quizizz.

OS TRIÁNGULOS

VÍDEO 1: Tipos de Triángulos segundo os seus lados Quizizz: Triángulos 1

VÍDEO 2: Ángulo internos de un triángulo. Quizizz: Triángulos 2

VÍDEO 3: Tipos de ángulos Quizizz: Triángulos 3

VÍDEO 4: Tipos de triángulos segundo os seus lados e ángulos (esquema). Práctica: clasifica os triángulos Comproba os teus coñecementos. Quizizz: Triángulos 4

Nota a ter en conta: para realizar o exercicio número tres da ficha, precisas transportador de ángulos, pero se non dispós de ningún na casa, non te preocupes fai os ángulos de forma aproximada.

FICHA DE EXERCICIOS

--------- LINGUA GALEGA ---------

Nesta semana temos programado iniciar a lectura dun libro novo, acompañada dun kahoot! e a realización dunha actividade creativa coas palabras que definen a túa vida en corentena,... Esperamos que vos gusten!


📗 LECTURA: "BOA SORTE" 📗

Xa sabedes o importante que é para nós a lectura, pero o plan de ler en cada avaliación catro libros (dous en LG e outros dous en LC) debemos interrompelo porque estando en casa non podemos ir ás bibliotecas, nin ás librerías e, polo tanto, imos centrarnos nos libros dixitais, así garantizámonos que todos temos acceso ao mesmo libro.

Lembra que polo momento, non é preciso que fagas as fichas de lectura.

❶ Pica na imaxe e accederás ao libro Boa Sorte e le ata a páxina 19.

❷ Fai o kahoot! No que deberás contestar a preguntas relacionadas coa túa lectura. Lembra que debes xogar só unha vez e indicar o teu nome e curso, por exemplo, Tania 6ºB.

⛅ NUBE DE PALABRAS ⛅
 

Cales son as palabras que describen a túa vida en corentena?

Buscar as palabras que definen a nosa vida en corentena supón reflexionar sobre a realidade que estamos vivindo.

Anímate pois, a pensar sobre as palabras protagonistas da túa vida en familia, non penses só nas evidentes ou negativas, seguro que hai moitas positivas como familia, xogo, tranquilidade,...

Fai unha lista de 30 palabras en galego, preferentemente positivas, que definen a túa vida en corentena. Por favor, consulta o dicionario para aclarar as túas dúbidas.

Inicia a actividade accedendo a aplicación:

Pincha na imaxe para ir á "Guía para realizar a túa nube de palabras". E sigue os pasos indicados.

Podes ver un vídeo explicativo sobre o manexo da aplicación WordArt.com, pinchando aquí.

Dálle forma as túas palabras, sé creativo! 

Pincha na imaxe para ver as vosas preciosas creacións...

---------  LINGUA CASTELÁ ---------

Iniciamos o traballo para lingua castelá, cunha proposta que promove a busca no noso entorno próximo, dos nosos heroes e heroínas en tempos de corentena e remataremos coa lectura dun curioso artigo de prensa, que dá unha visión diferente e positiva sobre como está afectando ao medioambiente o parón productivo.




😇 #HÉROES SIN CAPA   😇

❶ Eres un héroe... así empieza el anuncio que nos sirve de inspiración para realizar esta actividad. Puedes verlo pinchando aquí.

❷ Mira a tu alrededor, echa un vistazo a los que tienes más cerca y busca entre ellos a los héroes y heroínas que durante estos días están desarrollando su labor para que todos nosotr@s podamos quedar en casa.

❸ Fíjate en esas personas que sin ser "supermanes" o "superwomanas", consiguen llevar a nuestro día a día un poquito de felicidad:

• Los panaderos, gracias a ellos comemos pan fresco cada día.
• Los encargados de recoger la basura y limpiar las calles.
• Las fuerzas de seguridad y los militares que se encargan de que se cumplan las medidas del estado de alarma.
• El personal sanitario, que vela por la salud de tod@s.
• Los cuidadores de ancian@s, que hacen que las personas mayores estén cuidadas.

Puedes ver un cartel con algunos ejemplos de heroínas pinchando aquí. 

¿Cuáles son los héroes y heroínas de tu vida en cuarentena?

❹  Escribe la historia del héroe o heroína de tu vida en cuarentena, en tu escrito deberás responder a las siguientes preguntas: ¿Quién es? ¿Qué relación tiene contigo? ¿Cómo está ayudando a los demás?

❺ La extensión mínima del escrito será de 10 líneas (si lo haces en el ordenador) y 15 líneas si lo escribes a mano.

❻ Haz un bonito dibujo de la persona a la que admiras para acompañar tu redacción.

❼ Envía tu creación como foto o PDF por correo electrónico.

Para inspirarte puedes ver el siguiente vídeo de la canción Ángeles sin alas, pinchando aquí.

Pinchando na imaxe podedes ver os vosos traballos. 

#HéroesSinCapa

Quero facer un recoñecemento especial ao traballo de Aarón, por non rendirse e entregar unha preciosa redacción.

📰 TRABALLAMOS COA PRENSA📰

 

❶ Pica na imaxe e le o artigo "El aire está más limpio y ya se ven menos gaviotas en Vigo". 

 

❷ Fai o kahoot! No que deberás a contestar a preguntas relacionadas coa túa lectura. Lembra que debes xogar só unha vez e indicar o teu nome e curso, por exemplo, Martiño 6ºA.

Kahoot! sobre o artículo de prensa: "El aire está más limpio..."

--------- CIENCIAS NATURAIS ---------

Aproveitaremos esta semana para poñer ao día o noso caderno e facer un interesante experimento,... A que ten boa pinta este plan?

 

Pincha na imaxe e accede aos teus apuntes

Podedes ver os vosos experimentos pinchando na imaxe.

--------- CIENCIAS SOCIAIS---------

Podedes visualizar o traballo de CS para esta semana pinchando aquí.

------VALORES------ 

O mestre Eduardo propuxo a realización desta actividade a semana pasada, para todos aqueles que non a entregaran deben facelo o antes posible.

❶ Visualiza o vídeo "Mi padre es pescador"

❷Responde á pregunta que atoparás ao final do vídeo "¿Qué podemos hacer tod@s para que haya mares para siempre?". A extensión mínima do teu escrito debe ser de 15 liñas e a data límite de entrega o 13 de marzo. O voso traballo, neste caso, será en lingua castelá.

❸ Envía o teu traballo como foto ou PDF a eduardoalonso@edu.xunta.es e tamén a estefaniapuga@edu.xunta.es (para poder subilos ao blogge).

Podedes visualizar os vosos traballos pinchando aquí.

--------- PLÁSTICA ---------

En plástica faremos papiroflexia e tedes dúas propostas para elixir, ou ben facer un barco que se transforma, ou unha caixa onde gardar obxectos. Podedes escoller unha delas ou facer as dúas.

1º opción: recordaremos como facer a figura do barco de papel, e nesta ocasión a acompañaremos dunha fermosa historia, cal se che ocorre a ti? Anímate a compartila con nós.

2ª opción: aprenderemos a facer unha caixa de papel. Esta manualidade pode ser de utilidade para gardar agasallos pequenos, xa sabes ZeroWaste! Procura reutilizar algúns papeis que teñas por casa.

Podedes ver as vosas creacións pinchando na imaxe.

🚢PARA ENTRETERSE 🚢

Para pasalo ben coa familia, en casa, ou con amig@s, mediante videochamada, podedes organizar unha partida de Afundir á frota, o clásico xogo de "disparar", tocar e afundir. 

Precisarás un papel, para debuxar a túa grella, e un  bolígrafo para anotar. Pinchando na imaxe poderás ler todas as instruccións,... Quen gañará a partida?

💖💖Sección de agradecementos💖💖

Nesta sección quero agradecer a tod@s os alumn@s que ademais de entregar as tarefas diarias, participan en iniciativas voluntarias.

Esta semana quero mencionar a Martín e Rita que fixeron o concurso de talentos que propuxemos durante a corentena e enviaron o cartel e algún dos diplomas feitos en Canva. Moitas grazas polo voso esforzo.

Aquí deixo as súas creacións...

CARTEL DO CONCURSO

DIPLOMAS

 
E tamén a Alba, que sempre se mostra moi activa, envía as actividades e pregunta cando ten dúbidas. Ademais, hoxe mandou un precioso puzzle de 500 pezas que fixo coa súa familia. 






A Nerea que xoga á Afundir a frota, a través do whatsApp, que boa idea!

E nos fixo esta preciosa nube... Moitas grazas ;-)